Qemal Q. Sinanaj-Tingëllon ëmbëlsisht!


Qemal Q. Sinanaj

*Tingëllon ëmbëlsisht!.

Sa e dua Vjosën..unë e them : ” Marrëzisht! “!
Jo se nuk i njoh të tjerat , dashuritë…
Jo se vetëm unë e dua dhe e kam në zemër
Por unë kam marrë më shumë epërsinë
Nuk e di pse e dua aq shumë
Dhe e them fort : ” Marrëzisht ! “…

Sa e dua Vjosën , unë e them..” Marrëzisht !”
Ajo më rriti si nëna , fëmininë
Më përkundi , si në të bardhat shkumë
Pastaj, më ledhatoi ëmbël djalërinë
Që andej dola unë , edhe burrërisht !

Sa e dua Vjosën , unë e them..” Marrëzisht ! “…
Për mua , Vjosa ishte shtrati , mbi një zemër
Atje , unë mbi gjinjtë e sajë rrija shtrirë
Mëngjes edhe mbrëmje , pse jo edhe natën
Nuk më tha njëherë : “Mjaft , ik !”, kurrë s’u mërzit !..

Sa e dua Vjosën , unë e them..” Marrëzisht!”…
Një si fjongo me ngjyra , ajo e shkon dynjanë
Si del nëpër grykat , kalëron brinja dhe male
Kapërcen e hidhet në ca shkëmbinj , ujëvarë
Duket e egër, po ç’të shohësh , është mrekullisht !..

Sa e dua Vjosën , unë e them..”Marrëzisht!”…
Si të mos e dua , ajo këtej hedh bukurinë
Nëpër Vjosë shkojnë Zanat, edhe pulëbardhat
Në një fushë , në një brinjë edhe qytetsinë
Zgjohen baladat , zgjohen edhe flasin ilirisht !..

Sa e dua Vjosën , unë e them..” Marrëzisht!”…
Nëpër Vjosë bien yjet , ka lirika shumë
Unë do të shkruaj pa mbarim , le t’më thonë ç’të duan
Nëpër dallgë e mbi valë do të hedh poezinë
Poezia me Vjosën tingëllon bukur , aq ëmbëlsisht !..

Sa e dua Vjosën , unë e them..” Marrëzisht !”…
Ama , ndiej dhimbje , se e lashë vetëm , edhe kam ik !
E dua si nënë , si motër , a si diçka më tjetër
Por të betohem , moj Vjosë , unë do të vij , më prit !
Mbi krahë pëllumbash do të jem aty , përjetësisht !..

Vlorë , më 24.10.2022

About Post Author