Rajmonda Qose:Kohën e kam tē çmuar


Rajmonda Qose

Mos ma gërvisht dhimbjen time

Plagën që kohës thelle i është strukur

Mos mblidh rreth vetes re të zeza

Lere diellin të ndriçoj bukur

Mos ia pri krahët pranverēs

Lëre të ëmblin fllad të ledhatojë

Mos u kap pas një historie te vjetër

Të bukura çaste t’i shkelmojë

Mos i sill ti zemrës dhimbje

në mijëra copëza ta thërrmosh

Ështē e lehtë të shembësh ura

Por duhet kohë t’i rindërtosh

Për mua koha është e çmuar

Dikur e vogël vlerën s’ia njihja

Sot që jam rritur kam kuptuar

S’e shpërdoroj kot atē që është e imja.

Rajmonda Qose

About Post Author