Rajmonda Qose:Po vij tek ty

Njëra- tjetrën shtyjnë retē

Si dallgët e detit në stuhi

Qielli nje triko gri vesh

Dhe unë mendjen e kam tek ti

Në mëngjes nuk të përqafova

U ndamë tē zemëruar, sa keq!

Nuk di se ç’më vinē ca mendime

E s’më lenë rehat për dreq

Një derë e shpirtit është hapur

Dhe shiu ka hyrë me furi

Vetë s’po mund ta mbyll dot

Të lutem, eja ta mbyllësh ti

Meraku më zien si llavë e nxehtë

Asgjë s’po më hyn në sy

Nëse do vonohesh më shumë

Më prit ! Po vij unë tek ty.