….Gjejmë miqtë e vërtetë..!!
*******************************
nuk gjejmë vetëm gonxhe,
çelur mëngjeseve, plot ngjyra
me aromën e tyre të joshin
bëhen muzë krijuese,
kënaqësi për shpirtin
kur i dhuron natyra.!!
Por dalin ferra, driza a shkure
kur bëhen pengesë,
Të ecësh i qetë, udhës jetë..
Duhen krastitur,
apo shkulur nga rrënjët,
Të ndjehesh i lirë,
me vehten e të tjerë
për të shijuar bukuritë e natyrës..!!
Stinët sjellin ndryshime,
në shpirtin e njeriut..
Këto reflekse i perceptojnë
më ndjeshëm poetët..
Duke sjellë vargëzime,
me lirikat e muzës
frymëzimin e tyre…
Si belbëzime fëmijësh
lindur buzës..
Presim pranverën,
nga një dimër i zgjatur
me erëra, borë e stuhi..
Kur shpirti ka ngrirë
nga një ftohtësi..
Por të ngelurit në vetmi
është më i egër,
se një dimër i ftohtë,
kur kërkojmë ngrohtësi,
nga mike e shokë..
Vijnë në sofrën miqësi
me finesë e delikatesë
Pa gjetur shkak, më parë largohen
si gjëlpëra në kashtë,
të lenë pasojën…të thonë kërkoje
Ajde o zemër, jetën përballoje..!?
Vjen shpejt dhe ikën behari
si vapa me Gushtin,
nxiton të mbledhë prodhimet, fshatari
Të mbushet hambari,
zajretë të ketë për dimër,
bukën ta sigurojë vetë…
Eh, çfarë nuk sjell kjo jetë..!?
Dikush e ndjen më shumë
kishte frikë njeriu gjynatar
kur vjeshta vjen me shira
mos mbytej në lumë,
kur rritej sasia e ujit,
bëheshin çudira…
Zgjeronin shtratin lumenjtë
përmbyteshin tokat e lira..
Por shpejt njerzit harrojnë
kur ecim udhës jetë,
se beharin e vogël e kemi
brenda vehtes tonë..
Si busull orientimi, kemi shpirtin
kur ndeshemi me të tjerë..
Lexojmë me kujdes, poezitë
marrim kuptimin e vërtetë….
Kështu vërtitet, kjo jetë..!!
Floriri Z Petra
New Jersey, USA
September 6th, 2019
Të drejtat e autorit rezervuar..
