Nuk është e shëndetshme
të paraqitesh vullnetarisht
atje ku nuk të ftojnë personalisht
e aje ku të grishin, në sofër a dasëm shko,
por më pak fol e më shumë dëgjo…
duro o njeri i mirë, duro
dhe nëse nuk e njeh mirë atë që e heq vallen,
ti në atë valle s’bën të hysh edhe po qe se di të kërcesh mirë madje dhe më mirë se ai
që i prinë valles … sepse,
ai që e udhëheq vallen,
kur të dojë e si të dojë,
ta ndërron taktin e kërcimit
dhe papritmas të vë në lojë,..
e ti ngatërrohesh në hap me këmbët e tua
sepse, për atë bien tupanat
dhe jo për ty..
e për të tjerët, ninullat te nënat?!
Dhe ata pranë që e ndjekin vallen..
janë dashamirë që bëjnë veç “sehir”
janë daltonist, s’e dallojnë shkallën
ata nuk e lodhin të vetin “fiqir”
e hanë shijshëm çkado që u dhurohet
pa në qoftë dhe me kosto të lirë
fyti i tyre kurrrë nuk ngushtohet
dhe sytë e tyre e shohin vetëm të parin
edhe nëse baleti yt është elitar
ty, s’ke për ta bërë dot fitimtarin..!
Ke kujdes se,…
në bëre e u ngatërrove
duart ku je kapur nuk të mbajnë
përveçqë në përrua u rrëzove
edhe sharjet n’ty nuk do të prajnë..
