Sërish erdhi maji-Remzie Rexhbogaj


Mund të jetë një imazh i 4 persona dhe klarineta

SËRISH ERDHI MAJI

Shpejt kaluan pesë vite

Ky muaj ma mbushi zemrën

Plotë dhembje e pikëllime

S’do e harroj kurrë

Atë ditë të trishtë të Majit

Që mua m’i goditi

Të dy sytë e ballit

Lumturinë ma hudhi

Në humnerë të pafund

Kur çdo ditë që pesë vite

Më ka vra sikur me plumb

Maji është i luleve

Dhe është ma e bukura stinē

Por në shpirtin tim

Më ka sjell shumë trishtim

Në fustan të bardhë nusërie

Doja unë Ty të shifesha

Porsi rreze dielli Erna

Në sytë e mi të kisha

Ah,ky maji m’i mbyti ëndrrat

E të gëzohem nuk më la

Por në shumë copa e grimca

Fustanin e ka ndarë

Në faculetë për lotët e mija

Çdo ditë në dorë e mbaj

Në lumin e lotëve faculetën e laj

Me zemer të plagosur

Përgjithmonë më ka lënë

E në kalldreme të dhembjes

Po më zvarrit zvarrë

Se unë kam mallë për Ty Erna

Deri sa të jam gjallë

Maji ka dhe shira

E mbas shiut vjen ylberi

Fytyrën tënde hyjnore

Në ngjyra ma sjelli

Në çdo ngjyrë të ylberit

Unë të veshtroj Ty

Kështu Ti shkelqeje me tuajat mirësi

E në mbrëmje të vonë

Çdo herë kur bjen muzgu

Hëna lart në qiell atje vendin zuri

Dhe sa shpejt rreth hënës

Qielli yje u mbush

Ai Ylli Polar Ty të kam Ernush.

Maj 2024

Remzie Raci Rexhbogaj