Sheqere Sina:Shkëmbi, yjet, hëna


Shkëmbi, yjet, hëna

E ngujuar, e vetmuar.

 E lodhur, e torturuar, humbur në mendime,

Si shqiponje fluturova,

Në një shkëmb aty qëndrova,

Dhe nga qielli lart vështrova,

Me Yllin Polar të bisedoj!

Që hallin tim të shtroj. Por një erë e fuqishme,

Nga shkëmbi më rrëzoi.

Trupin tim ma copëtojë

Dhe sytë nga ylli m’i largoi.

 Isha vrarë e isha dërrmuar

Rrezet e diellit plagët m’i shëruan.

 Loti im një shkëmb akulli formoi.

 Po zoti këtë shkëmb e thërrmoi…

Një perde syri m’u formua,

Një dhi e egër m’u afrua,

Për të më bërë miqësi mua…

 Dhia brirët në zemër m’i nguli

 Dhe mëlçinë time ajo shkuli.

 Kaluan vite, bota u rrotullua,

Pak nga pak plagët m’u shëruan,

Se dielli rrezet e tij dërgoi,

Dhe trupin tim ma shëroi…. .

About Post Author