Shi i pranverës sime-Vaso Papaj


Shi i pranverës sime,

Sa të duash bjer!

Më kot kërkon t’më pengosh në këtë botë,

Netëve, kur përtej digjen yjet.

Gjurmët e hapave të mia s’m’i fshin dot.

Shi i pranverës sime,

Bjer, gjer n’agim!

S’e fsheh dot me zhuzhitjen tënde

Ecjen time në vite

Drejt zemrave të lënduara të popullit tim.

Shi i pranverës sime!

Piklat e tua, sado litar,

Pranverën, dimër më s’ma kthejnë.

Jam ky që jam.

Për tokë rrëzuar, kurrë s’do të më gjejnë.