——————–
Shkëlqimi i Hënës,këtë natë sikur më zhgënjeu
kur ballin kisha vënë,mbi xhamat në dritare
të gjitha kujtimet që kisha,ajo mi rrëmbeu
iku u zhduk tutje mes resh,nuk u duk më fare.
Dhe unë mbeta në dritare,paksa i trishtuar
këtë natë i vetëm,nga shkëlqimi i Hënës
më vonë e ndjeva veten,shumë të lumturuar
ndoshta këto kujtime,ja çon në qiell Nënës.
Pranë dritares qëndrova,prita shumë këtë natë
duke filluar veten time,herë,herë e ngushëlloja
që Hëna të dilte prapë,por nata mu duk e gjatë
për këto kujtime që më rrëmbeu,doja ta falenderoja.
Papritmas për mbi re,kryet nxori shpejt Hëna
me shkëlqimin e saj,natën ndriçoi e bëri ditë
ndoshta një fjalë mund ti ketë thënë edhe Nëna
ikë mos e lerë djalin,ti moj Hënë me të pritë.
