Laureta Malaj
Shkëmbi dhe pëlhura !
Në shkëmbin e fortë, një heshtje që ndalet ,
natyra si pëlhurë,shpalos rrjetën e saj .
Përplasja e tyre, mes dritës dhe territ ,
një botë e fshehur ,me brengat e saj .
S’ka fjalë të flasë ,as gjurmë të lërë,
por brenda heshtjes, jeton përherë .
Shkëmbi dhe pëlhura të lidhura bashkë,
formojnë këtë botë, dimër dhe pranverë.
Një botë të rëndë ,si mali që s’shkulet ,
ku brenda mbi supe ,mban një barrë të rëndë.
Dhe në krahun tjetër, një pëlhurë që duket ,
ku brenda mban jetën ,një argjend të tërë.
