Shkronjat e zemrës!
Dhe nisa të kërkoja shkronjat ,
diku aty në çdo sirtar,
midis kujtimesh dhe mendimesh
e humbur krejt në një mall .
Por shkronjat i kisha aq pranë
pranë vetes unë i mbaja fort .
Nëpër botë kanë udhëtuar ,
por nga zemra s’i shkelën dot .
Shkronjat që kurrë nuk i harrova ,
në çdo qelizë e ndjej çdo fjalë .
E ndjej sa herë që e shqiptoj,
është pjesë e shpirtit ,me to jetoj .
Me krenari i them kësaj bote ,
se jam shqiptare dhe krenare .
Gjuha jonë thesar i çmuar ,
ku bota (dot) s’ka për ta shuar .
LAURETA MALAJ. 22/11/2024.
