Shpirti binjak
Shpirti im binjak,
ku ishe para se t’më njihje mua,
në ç’përqafim e shuaje mallin,
Ku e kërkoje lumturinë?
Në krahët e tu kë përqafoje?
Në ç’buzë e ndizje llavën e flaktë,
ndonëse mua më ëndërroje?
Ku ishe i dashur? Si jetoje më parë?
E dija, ti linde për mua.
U dashuruam si tê marrë,
kur zemrat pëshpëritën “Të dua”.
Fllad lumturie këtë verë.
Shpirti im i trazuar.
Është dashuri, është marrëzi,
a mëkat i dëshiruar?
( Shkëputur nga libri “Labirint”, poezi, SH.B, MUZGU, Tiranë, 2023)
