E bukura femër dielli i kësaj jete
Të bekoi zoti që kur të krijoi
Mrekullia e kësaj toke ti mbetesh
Si me dorë trupin tënd ndërtoi
Femër dhe vetë emri tregon brishtësi
Je si ajo flutura krahëshkruarë
Në zemrën tënde një mal me dashuri
Dhe mbi të gjitha je e zgjuarë
Gjithmonë e ke treguar se sa e fortë je
Ke përballuar sfida të shumta
Nënë ,emri më i bukur që ti merr
Kur sjellë në jetë djem e çupa
Femër ti me fjalën e bukur sjellë paqe
Toni i zërit tënd zbut edhe gurin
Ke emër lulesh Vjollca,Manushaqe….
Ndaj dhe ti vetë ngjason me lulet
Je mrekullia,magjia e kësaj toke
Dhe princesh ky emër të shkon
Si lule mbetesh dhe pas një moshe
Se pranverë ke në shpirt gjithmonë!
