Sonja Haxhia:Kur jam e lumtur…


Kur jam e lumtur…

Kur jam e lumtur
rrëmbej krahë Engjëjsh ,
flururoj përmes llavë vullkanesh ,
kalëroj dritën e Hënës .

Kur jam e lumtur
vishem me petkun e diellit
verboj shikimet rreze
e rrëmbej të gjitha shkëlqimet .

Kur jam e lumtur
kandilin shndërroj në shandanë
e penën ngjyej në ngjyra
për të pikturuar të bukurën jetë .

Kur jam e lumtur
ndihem vërtet si ne petkun e Deas
çlirohem nga magjitë e dashurisë
e ndihem e lirë përjetë .

Kur jam e lumtur
shikoj dhe përmes resh
njoh trokitjet e yjeve në xham
si vijnë e treten mes nesh !

..nga Libri ‘ Kthim me Diellin ‘

About Post Author