Sonja Petro : Dhimbje


Sonja Petro 

Ecte plaku i gjorë
me hallet e jetës në kurriz
me njërën dorë mbështetur në shkop
në tjetrën bukën e marrë me listë .

Ecte ngadalë me këmbët zvarrë
a thua mend kishte të binte
frymemarrjen e kishte të ngadaltë
e me vehte diçka pëshpëriste .

Mu dhimbs plaku i gjorë
iu afrova ta ndihmoj
Ej xhaxhi a ke nevojë
deri në shtëpi të të shoqërojë ?

Ktheu sytë e fikur plaku i mjerë :
Eh moj bijë s’më ndihmon dot
s’është vetëm një ditë kjo
shpresë kemi veç tek i madhi zot …

Ja ,atje e kam shtëpinë
fëmijët në kurbet larg
këta këtu të papunë
unë në shtëpi me plakën fillikat .

S’më del pensioni që marrë
ilaçe,bukë e energji
s’mund të shkoj nga kjo jetë
me shumë borxhe në shpinë .

Dhe iku plaku me këmbët zvarrë
me njëmijë e një hallet e tij në shpinë
unë me dhimbje e ndjek nga pas
duke menduar që askush mos pastë fatin e tij !

Sonja Petro 

About Post Author