Sonja Petro:Muri


Sonja Petro

Ç’të fshehta më mban ky mur vallë ?

Një zot e di sa histori

ftohtësi përçon në të miat duar

thellë në shpirt nje ngrohtësi .

Këtë magji jo s’po kuptoj

që prej duarsh më ka pushtuar

bëj të iki , larg të shkoj

por jo, më mban fort shtrënguar.

Më flet prej legjende

jo nuk është Rozafati

as Argjiro ndër bedena

këtë herë vallë i kujt ishte “Fati ” ?

Ndoshta ka një amanet

ndoshta ka vec një dëshirë

ah ,të shprehej veç një çast

të kuptoja pak më mirë …

About Post Author