SOT NGRITA NJË DOLLI..
———————————————
Sot ngrita një dolli , për ty
Me verë të kuqe , brusko .
Një gotë rubini mbushur me flakë .
Dhe thashë një dolli është pak për ty ,
Njëqindë do pi , njëqindë dolli do ngre bashkë !
Dhe gotat me verë zbraza një nga një .
M’u errësua dielli ,
M’u përmbys qielli .
Gotat si koralet ranë në fund të detit .
Dionisi plak zvarë -zvarë erdhi pranë.
Me mjekrën e gjatë zhytur në verë ,
Me kupën e artë në dorë , si spektër mbreti ,
Më ftoi sërish të pinim bashkë .
Lëshoja frerët Pegasit – më tha ,
I lirë të rend , të gjej Atllantidën !
Dhe eja të vrapojmë ullishtave , vreshtave .
Shtrirë barit të njomë na presin hyjneshat ,
Të dehemi me to orgjive të Erosit…
Dhe ndoqa pas Dionisin plak …
Sot ngrita një dolli pët ty,
Një gotë mbushur me flakë .
Shtrirë në krahët e bardhë të hyjneshave ,
Zhgryer orgjive pa cak të Erosit ,
Më shumë e ndjeva mungesën tënde .
Pa i hypa Pegasit , kalit me krahë ,
Fushave,maleve duke të kërkuar ,
Qiellit , detit duke fluturuar .
Një hënë më ndiqte si nëna nga pas …
Ti qofsh -tha me vete Dionisi plak ,
Me kupën e artë si spektër në duar …..
