——————–
Sytë e grave flenë
Butësishtë ,
Si myshku i blertë i pyllit .
I fshehën retinës unazat e Saturnit .
Mbi kontrastet e rimelit
Po çlodhen qerpikët e hollë ,
Të gjatë , nazikë , të kthyer
Si thekët e orkideve .
Abazhuri si zambak liqeni
Derdh dritën e zbehtë pasqyrës .
Çarçafëve të bardhë përthyhet …
Në dihatjet e frymës
Lëvizin akrepat e orës ,
Ulje – ngritja e gjirit .
Krelat e flokëve zgjaten
Vesimit ylberor ,
Erës , misterit …
Sa afër përçartjes vargu im …
Mjafton një prekje ,
Ledhatim ,
Një këputje ylli ,
Një – shpirti im !
Të zgjohen sytë e grave që flenë
Si myshku i blertë i pyllit .
Sytë e grave flenë
Delikatesës së vargut tim …
Në mesnatë do flirtojnë me yjet ..
Burrat më se njëherë do falin mëkatin e tyre ,
Mëkatin e syve të grave që aq shumë dashurojnë !
&*&*&*&*&*&*&*&*&*&*&*&*&*&*&*&*&*&*&*&*&*
