Të erdha me dëshirë, pranë,
Vështrimet përballë kryqëzuam,
U drodha si deti me dallgë
Më kape lehtësisht dorën,
Si grep pas vetes më tërhoqe,
Lëndinë e madhe, pyjet zjarr morën,
E zemrën e shpirtit ma dogje.
Me tinguj pa kuptim më grish,
Dhe fjala endet e bëhet shpuzë,
Kapitullin e mbyllur me gjak ta stolis,
I riu fillon me ty si muzë.
Gjithmonë në jetë do të jem pranë
E tani të dua, se askush s’është si ti,
Shpirti i mbushur mbart mijra fjalë
Je pena e zemres, streha në vetmi.
MAJL
NEW YORK 10/26/2023
