Petro L. Sota
TË VISH, A TE MOS VISH !
————————————-
Është bukur të jetosh në vëndin tënd,
Por ndonjëherë aty, s’më duket normal,
Se ka shumë gjëra që të lenë pa mend,
Kur kapterit i duket vetja si një gjeneral.
Është bukur në vëndin tënd që të jetosh,
Por ndonjëherë duhet të marrësh arratinë,
Në spitale e gjykata kurrë t’mos shkosh,
Se të duket sikur jeton në një çmendinë.
Kur e mendon, është i bukur vëndi i jot,
Por të jetosh aty, duhet të jesh elastik,
Sepse aty, të mençurit i thonë idiot.
Ndërsa budallai, merr titullin akademik.
S’ka si vëndi i jot, balta mjaltë të duket,
Por pak kohë të jetosh aty, të ze lemeria,
Imazhi i bukurisë menjëherë të zhduket
Kur sheh çmimet, më të larta se sa Italia.
Por ky vëndi i jot, është dhe atdheu i yt,
Që mbetet dilemë, të vish a mos të vish,
Edhe pse është malli që shpirtin ta mbyt,
Por ky, është një hall i madh, sinqerisht.
Petro Sota 9 korrik 2025
