Teuta Shaqiraj:Ti ike pa mua


Ti ike pa mua

Ti ike padashur të ikje, një mëngjes shtatori,
si vijnë e ikin engjejt nëpër ëndërr
Pa më lënë një puthje a pusulle
“Kthehem shpejt” me shkrimin tënd te bukur.

Ike me fjalë të pathëna, pa bujë
Heshtaz, me çapin e lehtë, pa e mbyllur deren
Siç ikin dreret e frikësuar përmbi gjethnaja e degë
Kur ndjejnë erën e gjahtarit, ti mplekset ndër këmbët.

Ti ike padashur të më lije përgjysmë
në shtratin e zbrazët të harresës.
Fikem e ndizem, si semaforë pa ngjyrë
Para udhës kuturu, vetmitare të ikjes..
për tek ti.

Teuta Shaqiraj 

About Post Author