(motivet me dhimbje)
Moj nënë me dhimbje shumë…
Ja , këtu e afër të kam
Në një kornizë e të varur në mur…
Pa më thuaj !…
Pse s’e themi një fjalë , kurrë
Kur ike ti , ishte ditë maji
Kjo dita e sotme , sa i ngjan asaj…
E bardhë , e bardhë si një pëlhurë
Vetëm se sot është vjeshtë
Edhe pres që ajo.. , si e dielltë !
Është mëngjes , herët…
Unë të lutem , të ulesh poshtë
Ja , këtu i kemi filxhanët e kafesë
Unë të them , se është vjeshtë
Te lulet në dritare ka rënë vesë
Edhe ti ashtu ishe , si një vjeshtë
Si ajo që buzëqesh…
E urtë , e dashur , e qetë
Pa erë , furtunë , pa rrebesh
Te ” Shkëmbi ” ti i dilje para resë !..
E pra , unë s’po të them më shumë…
Vetëm kaq , se ka ardhur vjeshtë
Ndaj të lutem , ulu pak poshtë
Le të jemi bashkë me erën e kafesë
S’të përmend gjë tjetër më shumë
Jo , më asgjë , të kërkoj ndjesë
Asnjë pëshpërimë , asnjë grimë !..
Unë e di , si u bëre ti atëhere…
Si lulja e venitur , e thyerë në mes
E di që do më thuash :”Nuk zbres !
Le të jem e varur këtu në mur
Mos më thuaj më , mos
Tani sikur jam më e qetë
Se kanë shkuar vite , qyshkur
Këtu le të jem , deri sa të vdes
Mos më lëndo më , mos !”…
Ëndërrimet më thonë, sikur nëna është gjallë
Edhe kështu qënka bukur ,ajo si në përrallë !..
Vlorë , 04.08.2023
*Shënimet …
.Nëna , para se të ikte nga kjo jetë , e pësoi një goditje të rëndë e asaj kohe …
Pas kësaj , ajo u trondit , e për pak muaj , iku nga kjo jetë në një moshë disi të re !..
. Te ” Shkëmbi “, është vërtet majë një kodre , aty vijnë , së pari erërat , aty duket , si do të jetë dita , etj. !..
