Ti lulja ime-Remzie Raci Rexhbogaj


– Plagën për Ty Erna e ruaj thellë në zemër!

Ca lule të bukura

Sot për Ty kam mbledh

Ti oj lulja ime

Je vyshkur në pranverë

Këto lule pranvere

Unë mblodha për Ty

Aromën tënde

Në këto lule po e ndijë

Ti pushon e qetë

Mes lulesh në përjetësi

Shpirtin tënd engjëllor

E mbaj thellë në brendësi

Ti jeton në mua

E unë jam bashkë me Ty

Sot bregut të detit

Valët duke vështru

Mendja me fluturoj

Lart në qiellin blu

Për ëndrrat tuaja të bukura

Që të mbetën pa u realizu

E dallgët e detit

Sikur u trazuan

Nga memorja ime

Mendimet u larguan

Në thellësitë e veta

Don t`i përbinë

Por kot u përpoqen

S’munden të ja arrin

As loti i zemrës

Sot nuk po më pikon

Në qerpik të syrit

Sikur më është ngrirë

Plagën për Ty Erna

E ruaj thellë në zemër

Për deri sa të jetoj

Do ta mbylli me dry.