Miftar Térshnjaku
Tradita e Opojës – jehonë që s’hesht në Dardani
Në ETNO FEST, SH.K.A. “Opoja” nuk performoi – dëshmoi.
Urime – suksese!
Nuk ishin vetëm valle – ishin gjurmë e kulturës dardane së lashtësisë që nuk fshihen.
Nuk ishte vetëm këngë djepi e ninulla – ishte zëri i tokës së lashtë – të performuara me zyrle e tupana, të paduruara në heshtje.
Të performuara e ekzekutuara në valle burrash opojarë të gjakut dardan.
Nga fshatrat me gurë, nga kullat me plagë, ishin ruajtur deri sot këto krenari e vlera të etnosit dardan.
Koha në zjarrin e pritjes – fjala rënduar në thirrje – erdhi Opoja, me rrënjë, me zemër, me shpirt.
Dhe skena e pranoi – SH.K.A. “Opoja” – SHARR – DRAGASH, siç pranohet një amanet që djeg në dorë.
U shpërblyen me çmimin për performancën më të mirë,
por nuk ishte shpërblimi që u dha peshë performancës,
ishte thirrje amaneti, si rënkimi i të parëve që u kthye në jehonë.
Jehonë e ruajtur ndër shekuj.
Ju lumtë, Opojarë!
Zëri juaj qan male e fusha – ai është gëzim e hare për të gjithë.
Suksese!
