Vështroje trëndafilin ka hapur petalet,
Aroma e ndezur, flutur përmbi buzë,
E dëgjon si rreh zemra për ty, e nuk ndalet,
Që nga ai çast, kur mu bëre muzë.
Buzët e tua mbajnë erë alkoli,
Dehem në to, e shkrihem si qiri,
Trëndafili ngjyrën, gjakut ia mori,
Tik tak bënë zemra, ritmi im je ti.
Dua të më ndjesh muzgut në perëndim,
Në pranin e hënës, si melodi e nje kitare,
Në pentagramin e shpirtit ti më mbaj në zgjim,
Si flladi i mëngjesit, kur tund perdet në dritare.
Sikur ta dije sa i urrej netët e pritjes,
Dënim për mua, kur ty s’të kamë pranë
Oh sa më mbyt heshtja, mallin e bëjë krisje
Orët ngrijnë pa ty, si shiu në litarë.
Vështroje trëndafilin ka hapur petalet,
Me vesën e mëngjesit fytyrën ka larë,
Aty brenda zemrës, e çelur të mbahet,
Ujitur me lotët, të lulëzoj mbi mallë
MAJL
NEW YORK 09/12/2023
