Unë shkruaj…!Sonja Haxhia

Sonja Haxhia

Unë shkruaj…!

Unë shkruaj për të gjitha stinët ,

për dimrin ardhur veriut të ftohtë

e mbuluar shtratit bardhësi ,

për pranverën shpërthyer harbim

e ngjyrash pa fund kolorit ,

për verën , ku rrezet shkëlqejnë

e retë treten nxehtësisë,

për vjeshtën ardhur kaq beftas

e lënë pas shenja dashurish

diku në një gjethe rrëzuar ,

në një park të vetmuar ,

në një zbrazëti qielli të zogjve larguar ,

në një udhëkryq, ku rrugët rendin drejt perëndimit

e horizontet puthen , si për të fundit herë me diellin.

Unë vazhdoj të shkruaj

me sytë nga jeta

e zemër të mbajtur në duar…!

..nga Libri :

‘ KTHIM ME DIELLIN ‘