Uuuuuu!…
Uuuuuu!…
Edhe qiellin rehat s’lanë.
S’mbeti gjethe pa u dridhur.
Erë e marrë e çoroditur.
Vallë të jenë kaq të babëzitur?
Uuuuuu!…
Edhe qiellin po e ndajnë.
Pronësuan dhe atdhenë.
Nga të kuq e kthyen fenë.
Gjethet jetimë se jetimë mbenë.
Uuuuuu!…
Edhe qiellin e përlanë.
Ajri kthyer është, beton.
Mos kërkojnë të Zotit fron?
Gjethet, vallë, kush i mundon?
Uuuuuu!…
Edhe qiellin po e hanë.
Ç’i kërkoni gjethet kot.
Gjethe janë,..shpërndarë në botë.
Në çdo portë gjerdan me lot.
