Valbona Kolaveri-Zgjedh



Valbona Kolaveri

ZGJEDH

Zgjedh
të jem një me veten

Se një si unë
më sheh gjithë reflekset
në perëndime
t’grimcueme
netësh të plakuna

Në shëndërrime
simetrish
me qëndër diellin

E shndritje të qelqëta
ditësh shtat hedhuna

Se më dëgjon
në mungesat e mija
të vrame vetmish grindavece

Në çmendjet e kohës
së dergjur
e pakrehur në shpirt

Ku shpirti
oh sa më dhembi
Veç unë e di

Por pa shkelur askënd
mbi vetull

Në dritë të syrit
mos tu vjedh fatin
ne ironinë dyshuese
të tjetrit

E ndryshme nga të tjerë
ashtu
dhe me çmendjet e mia
marramendëse

Kokëforte e pandreqshme
e qeshjeve
që rrumbullakojnë zemër

Në gjurmët e mija
Çdo ditë marr të mas veten
me rrezet e para
të lindjeve

Të gjurmoj të ardhmen
moskokëçarëse
e lire

About Post Author