Valbona Kolaveri:Të kam thënë


TË KAM THËNË

Të kam thënë
Se jam si guri
Gur në dhembjen time

Të akullt e kam dukjen
Prerje e tërthortë
Plan ndjenjash të padukshme

Zemrën shkërmoqur
Kreshpash,
Kohësh zemërake

Gur thërmuar
Në heshtjet e çekanta
Që godasin mbi kry
Papushim
Vetmish morthë

Shpirtin,
Lot muzgjesh
E netësh hijerënda
Ku s’më sheh askush

Transformimesh
Pa takt

Ku mëndjen e kam rrëzuar
Në mijra kënde
Zemre
Sysh që fshehin shpirt

Thyerje rrezesh
Të arta dashnish
Të shoh bukur
Edhe kur jeta më dhemb.