Vendtakimi i engjëjve-Remzie Raci Rexhbogaj


– Yjet i kam dëshmitar tek më shihnin rrugëve të gjata!

Ngadalë binte errësira e natës

Tek hëna është vendtakimi i engjëjve

Kur bien në gjumë

E në qetësinë e natës

Shpirtin tim ma ngulfatë trishtimi

Yjet i kam dëshmitar

Tek më shihnin rrugëve të gjata

Kur në ëndërr vrapoja

Për të takuar hijen tënde

Ta përkëdhelësha pikturën

E portretit tënd

Si nata ashtu edhe unë

U bëra memece

Por nga brendësia jehonte

Një ofshamë

E me buzët e plasaritura

Thirrja emrin tënd Erna

Por Ti rri aty nën tokë

E heshtur në atë gur varri.