Viktoria Xhako:E bardhë


Viktoria Xhako

E bardhë

Më thirre?
Do të vij!
Përtej – jeta, s‘është larg.
Fluturojnë, të marrosura,
Jelet e mendimeve
Të bardha!

Më thirre?
Po vij!
Të thara, të plasaritura buzët,
Puthin fjalë
Të bardha!

Më thirre?
Erdha!
Natën shqyen vrapi,
Mbi trokun e zemrës,
Dhe sjell Agime
Të bardha!

Jam!
Mallit të ciklontë mbështjellë,
Ndezur dritat
Të bardha, të bardha, të bardha!
Më shih!
(ZHORZH SAND)
“TAKOHEMI NË QIELL” botuar në maj 2012

About Post Author