Vojsava Nelo:Qielli është shpirti im


Qielli është shpirti im

Qielli është shpirti im
i madh.
Herë i tejdukshëm, i kaltër.
Herë gri,
i vrarë.

Retë e bardha janë trillet e mia
që vinë vërdallë përjetësisht…
Ka nga ata që nuk i duan fare.
Ka nga ata që i duan marrëzisht.

Unë luaj,
duke shpërfaqur marrëzinë time –
shpirtin e madh.
Ja, këtë qiell
mëngjezor,
që u mbush pak nga pak me diell.


About Post Author