Yllëzon-Brixhilda Dede


YLLËZON

Varses së saj shëmbëllehen rrugë të panjohura jete.

Herë, muzg smaraldi dritësuar mirësi.

Herë, ëndërr e virgjër ylli, tretur në kaltërsi.

Shpirti telajo trëndafili rozë,

Flladitur petale në horizonte dijesh,

Ku shi i situr mendimesh,

rilind, harmoni ngjyra vegimesh.

Hartës së syve të saj, lexohen shpresa,

Më të fuqishme se kolorët e globit.

Mimika si në sinfoninë e Cilibidaches

merr mijëra dritë jetë prej universit.

Ku të ulet dashuria prehërit, a ka vënd!

Ç’ do qelizë shege, zafir vishet trupit tënd.