Ymer Hysa
Babai dhe riti i vjetër
( etnokulturë )
Para prindërve babai nuk më puthi
Mbase kujtoi nga brezat ritin e vjetër,
Prej ritit absurd mbase nga turpi
S’më mori t’më mbante as në prehër.
S’e dëgjova nënës fjalë të ëmbla t’i fliste
Natyrisht dhe ta përqafonte para nesh,
Mbase prej atij riti idiot ardhur nëpër vite
Dhe i mërzitur, qetë na ka buzëqesh.
Kur rrugës së gjatë ecnin bashkë me nënën
Kurrë nuk i pashë të ecnin krah për krah,
Prej atij riti të vjetër, si qerrja e shtrembër
Nëna do ecte ngadalë ngadalë disa hapa pas.
Kurrë njëri-tjetrin s’e thirrën me emër
Por, për çudi kaq mirë u morën vesh,
Nuk di pse më zgjohet sot ai riti i vjetër
E më nxiti të shkruaj si kujtim këtë vjershë.
Ymer Hysa
(Nga vëllimi poetik Kur “Fjalët Bëhen Buqetë”)
11
About Post Author
