ZEMËR PREJ KRISTALI
(Sikur ta dini)
Ah
Sikur ta dini si ndjehem
A keni qarë thatë
A ju ndodh
Të qarët ta keni aleat
Përbrenda kraharorit
Fare pranë zemrës
Afër shpirtit
Ah
Sikur ta dinit si ndjehem
Akeni dashur të piskatni
Fort, shumë fort
Kurse zëri t’u ketë shteruar
Pisket, pisket, pisket
Kurse të tjerët mendojnë
Se je nemosur
Rrapi duket se hesht
Por qetë-qetë
Gjatë kohës trungu i hapet
I çahet
Degët i rrallohen
Stuhia i hyn dhe i del matanë
Rrapi duket se hesht
Kurse në të vërtetë
Ai është në vuajtje të thellë
Ah
Sikur ta dini si ndjehem
A keni hy në të kaluarën
Atje ku më shumë dhemb
Ku dehesh me dhimbje –
Xhevahiri i thyer copëza
Ta kaplon zemrën
Dhe ti tanimë ke
Zemër prej kristali
Medime prej kristali
Ajër të kristaltë
Jetë të kristaltë
Ngado je i thyer
I derdhur
Joshje për pëllumba
I braktisur nga vetvetja
Dhe pa ty
Jeta mbetet jetime
Se i vdes përgjithmonë
Ah
Sikur ta dini
Kur zemra çahet
Kur mendja avullon
Dhe ti je trimi
Aktori i skenës tragjike
Aktor, trim
Triumfues i tragjikes
Triumfues i dhembjes
*
About Post Author
