Zjarri që pret të shuhet
Sa shumë kemi premtuar unë dhe ti
Për ëndrra që hapen në çdo skaj,
Po jeta na i ka mbyllur të gjitha shtigjet,
Në dy anë të litarit ne shkrihemi në vaj!
Misteret çdo ditë vinë duke u shtuar
Dhe ne njeri-tjetrit dot s’ia zbulojmë,
Rrjedhin ditët si lumenj të trishtuar,
Brenda tyre për mbijetesë ne notojmë!
Si ta shuajmë këtë zjarr dashurie
Që brenda vetes e ndjejmë si vullkan?…
Yjet në supe le të na bien me mijëra,
Në zemër veç një bie e zemrën ta çan!
About Post Author
