Mëngjes plot dritë-Shkurte Berisha

MËNGJES PLOT DRITË

Sot shumë herët u zgjova,
më herët se asnjëherë,
një shpresë të re mendova,
që po më vjen si pranverë.

Rrugët e njohura mirë,

i shoh me syrin e qetë,

larg u zhduk çdo errësirë,

gëzimi mbeti i vërtetë.

Ditët që shkuan lanë gjurmë,

sot po i pres me fitore,

pa asnjë ankth e pa zhurmë,

fati më mori dorë për dore.

Dhe dielli lart në qiell,
po ndrit mbi rrugën time,
çdo rreze që ai sjell,
më mbush plot me gëzime.