Marigona Kelmendi
Heqdorje
Ndodh
Larg qoftë
Të hedhësh laps
Fletë të shkruar
A libër tutje tëhu
Të djegësh
A thua ndodh
Flakë-flakë çdo germë shkrimi dore
Qoftë dhe më intim
Mua po
Mos edhe Ty
I shtrenjti im ndodhur të ka
E pastaj
Udha gropë-gripë
Të të bëhet
Gurësh thyer
Siç thyhet një gotë qelqi
Flakesh e përflakesh
Ndjenjash që të dremisin
Më thuaj si i thonë
Andej nga ju
Na ishte një mbret
Në një kohë të pakohë
Që jepte e merrte
Herë me të djathtën
Herë me të majtën
Ah dola nga ëndrra
Kam caktuar termin të radhës
Në përditshmërinë time tonën
Heqdorje
Në ndorje
Nga një mal me ujq
Me dëborë
Ka ditë ka muaj
Ka vite
Një zemër që ankohet
Heqdorja këlthet
Po një dorë
Mbi fletë e libra rrëshqet.
MarKeL Pejë
