” TI MUND TË IKËSH “
—————————————
*
Ti mund të ikësh , në udhë pa kthime
Nëse nuk mundesh të qëndrosh ,
Veçse do të lus që në mendime
Nuk është e drejtë , të më tundosh !
*
Ti mund të ikësh , prej jetës time
E mund të shkosh ku ke ndërmënd ,
Por do të lus as në ëndrrime
Mos t’më vodisësh , me emrin tënd !
*
Ti mund të ikësh , në s’do të rrish
E zgjidhje tjetër nuk ka mes nesh ,
Por mos t’më mbetesh trishtim i trish
As mëshirim , të mos më jesh !
*
Ti mund të ikësh , nëse do t’thot
Se tash mes nesh gjithçka shkoi keq ,
Veç do të lus t’më gjesh një Zot
Prej mëndjes time , ty të të heq !
