Mjafton një pamje si deti
Mjafton një pamje si deti
për të harruar gjithçka.
.
Valët marrin me vete zhurmën,
dhe horizonti më mëson
sa e vogël është barra që mbaj.
.
Mjafton një çast i tillë,
me këmbët zhytur në ujë
dhe diellin si një top i kuq
që kërkon të puthë qetësinë blu.
.
Përballë kësaj mrekullie
kupton se jo çdo gjë
ka nevojë për përgjigje.
.
Mjafton një buzëmbrëmje,
me shallin e hedhur mbi supe,
të ndjesh aromën e detit
dhe sytë të humbin në pafundësi.
.
Mjafton një pamje si deti,
dhe koha ndalon për pak,
zhurmët e botës largohen,
dhe zemra të kujton
si merret fryma.
.
Më mjaftojnë këto pamje
për të qetësuar stuhitë që mbaj brenda,
sepse deti është dashuria ime.
