NDERIMI
Personaliteti i Prof. Dr. Skënder Kodrës është i njohur në SHBA, në vende të ndryshme të Evropës dhe në të gjitha trojet shqiptare
Nga akademik PROF. DR. Flori Bruqi
- Figura poliedrike e Prof. Dr. Skënder Kodra, është kthyer në një simbol për komunitetin shqiptar në SHBA, Kosovë dhe Shqipëri, si një njeri me energji të pashtershme humane e patriotike.
Këshili i Komunës së Pejës, Kosovë i ka akorduar Prof. Dr. Skënder Kodrës (akademik) titullin e Mirënjohjes “Nderi i Komunës”, me motivacionin “Për kontributin e dhënë në ndihmë të shkencës dhe diasporës shqiptare, për tolerancën dhe paqen në nivel ndërkombëtar”.
Çertifikata përkatëse (MAJ 2026) është firmosur , me mirënjohje të thellë dhe respect të veçantë nga Kryetari i Komunës/Mayor Gazmend Muhaxheri.
I ngazëllyer nga vlerësimi plotësisht i merituar, Kryetari i Akademisë Shqiptaro-amerikane të Shkencave dhe Arteve Nju Jork, Prof. Kodra ka shpërndarë në rrjetet sociale një falenderim të veçantë për Komunën e Pejës dhe kryetarin e saj Z. Gazmend Muhaxheri. Prof. Kodra vlerëson kontributin e kryekomunarit Muhaxheri për realizimin e një programi zhvillimor ambicioz për Pejën. Ndërkohë ai ka marrë urime nga dhjetra akademikë, anëtarë të Akademisë Shqiptaro – amerikane të Shkencave dhe Arteve Nju Jork, ndër të cilët veçjmë: Dibran Fylli, Tajar Domi, Av.Nikollë Kola, Prof.dr. Sali Kurti, Sali Kodra Rama, Dr.Arjan Hamiti,Yllka Merkuri, Gani Lami, Dritan Korumi, Iljaz Bobaj, Halil Rama – Mjeshtër i Madh, Pleurat Lati Zhara, Pjetër Cara, Njazi Halili, Ibrahim M.Kodra, Lindita Alkaj Hoxha, Serbeze Gashi Kondirolli, Mhill Krasniqi, Ilirida Ismaili, Smajl Bytyçi, Shpend A. Loci, Sehit Beluli, Ali Zalli, Esat Ahmeti, Zani Asllanaj, Cindy G Loqkita, Lutfi Brami, Hatixhe Berani Grbeshi, Hys Hasa, Ali Kelmendi, Xhemile Adili, Musa Limani, Avdi Gashi, Shefqet Mili Rugovaj, Hasan Domi, Adrian Grajqevci. Si dhe qindra personiletet tjera akademike.
Dhe nese Mjeshtri i Madh Halil Rama e vlereson Prof. Kodren nje figure poliedrike me rrezatim e kontribute te shquara mbarekombetare, per akademik Arjan Hamitin eshte: “Një jetë e tërë në shërbim të dijes, shkencës, kombit dhe vlerave humane. Prof. Dr. Skender Kodra është shembull i përkushtimit, patriotizmit dhe profesionalizmit që nderon shqiptarët kudo në botë. Respekt dhe mirënjohje për kontributin e jashtëzakonshëm në psikologji, arsim dhe çështjen kombëtare. Qofshi gjithmonë i vlerësuar për gjurmët që keni lënë në historinë tonë i nderuar dhe i respektuar Pr Dr Skender Kodra”.
Urimet e miqve të shumtë të Prof. Kodrës nga e gjithë hapësira mbarëshqiotare në botë kanë një emërues të përbashkët: “Nderim dhe vlerësim i merituar për një personalitet të shkencës të përkushtuar tërësisht ndaj çeshjes kombëtare shqiptare, si dhe për kontributin që ka dhënë dhe jep për vendllindjen e tij”.
Figura poliedrike e Prof. Dr. Skënder Kodra, është kthyer në një simbol për komunitetin shqiptar në SHBA, Kosovë dhe Shqipëri, si një njeri me energji të pashtershme humane e patriotike.
Presidenti i Republikës së Shqipërisë, në shenjë vlerësimi dhe mirënjohjeje për kontributin e Akademikut tonë Prof.Dr. Skendër Kodra, Ph. D e ka dekoruar me titullin “Kalorësi i urdhërit të Skënderbeut”!
KUSH ËSHTË AKADEMIK PROF.DR. SKËNDER KODRA
Akademik Prof. Dr. Skënder Kodra u lind më 13 maj 1946 në Istog të Kosovës, ku kreu shkollën fillore.
Shkollën e mesme e vazhdoi në Gjakovë dhe Pejë. Autoritetet qeveritare serbe e burgosen për motive patriotike.
Në shumë raste kaloi nëpër burgjet e Pejës , Prishtinës, Gjakovës, Ferizajt, Suharekës në Burgun famëkeq CZ -në e Beogradit.
Më 1969 emigroi në Itali e pas një viti në SHBA, ku edhe mori statusin e refugjatit politik. Në SHBA më 1980 mbaron shkollën e mesme.
Më 1986 përfundon shkëlqyeshëm studimet e larta në Universitetin “Mercy College”, në degën e psikologjisë dhe pas një viti kreu studimet pasuniversitare në “Long Island University” dhe laureohet me titullin Master degry.
AKTIVITETI AKADEMIK
Në vitin 1991 mbron doktoraturën me temën “Shkaqet që çojnë në skizofreni” dhe merr titullin më të lartë shkencor në SHBA PH.D.
Më tej u specializua në një profil më të ngushtë në fushën e Psikologjisë Klinike.
Veprimtaria e tij është e larmishme si profesor, psikolog e shkencëtar.
Ligjëron në tri universitete me studentë nga e gjithë bota. Ai ka një veprimtari të begatë veçanërisht në Psikologjinë klinike, të cilën e ka pasuruar dhe me përvojën e madhe në spitalet ushtarake të psikiatrisë në New York, ku punoi për dhjetë vjet me pacientë të Luftës së Dytë Botërore dhe të Luftës së Vietnamit.
Diturinë dhe përvojën e tij si psikolog dhe shkencëtar, Prof. Dr. Skënder Kodra e ka përcjellë në tetë libra si: Evoluimi i Trurit Dje, Sot dhe Nesër Library of Congress (June 11. 2001) Definition of personality. Tiranë (Library of Congress (2003) Drugs and its Impact. Tirane Library of Congress (June, 11.2004) Road Map Opportunities in Cilinical Psychology, Tiranë Library of Congress (June 12.2006) Library of Congress 101 Independence Ave, S.E. Uashington D.C. 20559-6000.
I brumosur me ndjenja të larta atdhedashurie dhe si intelektual i përgatitur në SHBA, Akademiku i mirënjohur shqiptaro-amerikan Prof. Dr. Skënder Kodra ka dhënë një kontribut të çmuar dhe për popullin shqiptar.
Në vitin 1995 ai themeloi Akademinë Shqiptaro-Amerikane të Shkencave dhe Arteve me qendër në New York dhe vazhdon të jetë aktiv si kryetar i kësaj Akademie. Me ndryshimet demokratike në Shqipëri, Prof. Dr. Skënder Kodra vazhdoi të kontribuoj edhe në dheun amë.
Ai punoi dy vjet në Tiranë si klinicist pranë Klinikës psikiatrike të Fakultetit të Mjekësisë në Universitetin e Tiranës, ku përgatiti dhe ligjëroi leksione të ndryshme.
Me kënaqësi ai i dhuroi kësaj klinike një bibliotekë të pasur me literaturë masive të psikiatrisë klinike amerikane. Gjatë kësaj kohe në Radio Tirana ai mbajti një rubrikë të përjavshme me temë nga psikiatria.
Në këtë periudhë Prof. Dr. Skënder Kodra viziton sërish vendlindjen e tij Kosovën, ku zhvillon një veprimtari të dendur shkencore dhe patriotike, aq sa siç thoshin dhe vendasit, klinika e tij u kthye në një istikam lufte.
Pushtuesit serb ia bastisën klinikën dhe e arrestuan për ta detyruar të pajisej me dokumente serbe. Zoti Skënder Kodra nuk pranon dhe largohet i detyruar nga atdheu i tij.
Në verën e vitit të Luftës në Kosovë, Prof. Dr. Skënder Kodra shkoi në ndihmë të të dëbuarve kosovarë, në kampet e shumta në Shqipëri, si dhe në spitalin Ushtarak në Tiranë.
Djali i tij Isai ushtarak dhe i lindur në SHBA, u radhit në radhët e UÇK-së në Kosovë, ashtu si dhe shumë të tjerë nga të afërmit e familjes Kodra.
Personaliteti i Prof. Dr. Skënder Kodra është i njohur në SHBA, në vende të ndryshme të Evropës dhe në të gjitha trojet shqiptare.
Ai ka qenë këshilltar pranë Ministrisë së Shëndetësisë në Shtetin e New Yorkut, është anëtar i Shoqatës së Doktorëve në Shtetin e New Yorkut, Anëtar i Shoqatës të sëmundjeve psikike “Sigmund Frojd” të Austrisë, nënkryetar i Akademisë së Intelektualëve Shqiptarë të Shkencës dhe Artit në Kosovë, anëtar i Shoqatës së Psikiatërve në Shqipëri, etj.
Prof. Dr. Skënder Kodra vazhdon të jetë aktiv si mjek, si pedagog, si shkencëtar. Ai vazhdon të publikojë libra dhe studime shkencore në revistën “Dituria”, organ i Akademisë Shqiptaro-Amerikane me qendër në New York, Akadmi të cilën e drejton me pasion dhe profesionalizëm, si dhe në shumë revista e gazeta prestigjioze në SHBA dhe Shqipëri.
Akademikët e Akademisë së shkencave Shqiptaro-Amerikane më seli në New York më degët e saja në Prishtinë, Tiranë dhe Shkup si dhe Opinioni mbarë kombëtar shqiptar i uron Z. Skënder Kodra, shëndet, jetë të gjatë në vazhdimësi.
Akademia e Shkencave dhe Arteve Shqiptaro – Amerikane New York, Prishtinë, Tiranë dhe Shkup.
