Sot, nuk lindi dielli-Shkurte Berisha

Sot, nuk lindi dielli
Nuk e di çfarë ndodhi
Ndoshta u ça qielli
Ndoshta, vetë kështu zgjodhi.

Sot ,dielli nuk lindi

Rreze nuk lëshoi

Ndoshta ,ai na bindi

Se do t’ju ndëshkoj.

Çfarë pati dielli sot?

Që nuk i hapi sytë

Pse po derdh veç lot?

A mundet kush me pyetë?

Ngremë sytë nga qielli

Që të shohim dritë

Ku është fshehur dielli?

Apo ,në tokë ka zbritë ?

Pse kaq errësirë?

Nuk shohim ne asgjë

Ndoshta ka dëshirë?

Vetëm, të na lë.

Jo , s’mund ta kuptoj

Të mos lindë më dielli

Unë gjithmonë besoj

I ngre sytë nga qielli.

Kur ti hapë sytë
Të lëviz qerpikun
Do të shohim ne dritë
Do zhdukim panikun.