Elda Dilo
kot rreshton argumente dhe fjalë,
kur mbi ty peshon një tjetër peshë,
dhe çdo rregull ka vdekur më parë.
Gabohesh nëse pret një të vërtetë,
atje ku arbitri ushqehet me dhimbje,
sorkadhja s’e fiton kurrë atë gjyq,
ku gjyqtari shet mish për përfitime.
Kur ligji matet me thikën e kasapit,
dhe drejtësia ka çmimin e vet në treg,
nuk vlen të ulësh kokën para fatit,
në një teatër ku asgjë nuk vlen.
E vetmja gjë që të mbetet në dorë,
kur e sheh se loja është pa shpresë,
është të ndryshosh gjyqtarin, mjedisin,
dhe të mos pranosh të bëhesh më pjesë.
Kthehu e bëhu ti ligji i vetvetes,
merre në dorë timonin e kësaj jete,
sepse shpirti nuk mban dot filtra,
dhe liria nuk falet… fitohet prej teje.
merre në dorë timonin e kësaj jete,
sepse shpirti nuk mban dot filtra,
dhe liria nuk falet… fitohet prej teje.
