Lirikë vere
MË ERDHE NË ËNDËRR
Erdhe, si më erdhe,
Si të pat bërë nëna,
Nëpër shtrat m’u derdhe,
Më the:futmu brenda!
Si të pat bërë nëna,
Nëpër shtrat m’u derdhe,
Më the:futmu brenda!
Shihja veten time
Ashtu nëpër ëndërr,
Isha trung korije
Apo isha dhëndër?
Pa zura çarçafin
Që ta ngre me dorë,
Sytë sa nuk po plasnin,
E gjitha dëborë.
Nga ç’male kish zbritur
Kjo bukuri e lartë?
Unë verë e zhuritur…
Ti veç vjeshtë e artë.
Pa dhe kisha frikë
Mos më shkrinte bora,
Ndaj dhe mrekullitë
Ka frikë t’i prekë dora?
Ndenjëm ,po si ndenjëm,
Afër edhe larg.
Ti plotësoje hënën,
Unë yjet përqark.
Afër edhe larg.
Ti plotësoje hënën,
Unë yjet përqark.
25.10.2020
