Me djepin bosh !Tomi Buzi

.Me djepin bosh !..

Përse vall në atdheun tim, ndihem si i huaj..
Sikur lirinë tërheq zvarrë, lidhur te këmba ,
Ethet e së nesërmes n’ ofshama të mbytura i shuaj..
Kur shohë djepin bosh, pa të ardhmen

brenda…

‘Gjitoni’ më përbuz, sikur sifilizin përhap ndër ta,

Udhëve të gjata, rend e frymoj si një bish e plagosur,

Doganave përçmimin mbaj mbi supe si një ”tallava ”..

Kompozuar në shtetin tim, bordellove damkosur !

Eci e eci kufijëve si në kohën e ”lëndina e lotëve ”,

Me brengën e madhe, për arratisjen nga vendi im,

Pashaporta ime nuk troket dotë në kanatat e ç’do porte..

Duke u dridhur nga ‘ethet’, pa të shënjtin shkëlqim !

Me të në dorë, e krenarin e gjakut në shpirtin tim,

Rëndë si i ç’mënduri ‘portave’, të ikë nga ‘psiqiatria’,

Përtej sinoreve dëgjoj klithma kthyer në ulërim..

Mallkime, deri në Zot, për shtetarë zhytur tek pabesia !

Rendë, rendë të iki larg histerizmit të mallkuar,

Grykësisë me epshe të shfrenuara për para e pushtet,

Nën drithërima të heshtura e shpirt të ‘sakatuar’ ..

Trokas dyerve të ‘gjitonis’, i nënështruar, përjetë !

Përse vall në atdheun tim, ndihem si i huaj..
Sikur lirinë tërheq zvarrë, të lidhur te këmba ,
Ethet e së nesërmes me ofshama të mbytura i shuaj..
Kur shohë djepin bosh, pa të ardhmen

brenda…

Tomi Buzi !