Vlora Rexhaj Morina
Nuk mund ta shty më këtë mur
Muri dhe unë kafshojmë
Dhëmbë më dhëmbë
Kafshërisht
Çmendurisht
Burrërisht
Dielli varë vetullat n’horizont
Para syve shfaqet arena jonë
E kuqe si gjaku
Kthehem prapë
Muri ofshanë
E unë bi në gjunjë
Ai ngre kthetrat në qiell
Unë mbahem për tokë
Oh..
Sa e gjatë kjo agoni
Sa një shekull
Sa një milenium
Poshtë qiellit
Shiu ujëvarë
Muri u rrit
U bë kala
Sa as syri nuk e matë ma.
27 tetor 2020
