Dalinë Arifi
Roma
Do të ecim rrugëve të Romës të dy, një ditë,
Dorë për dorë, të dashuruar deri në frymën e fundit.
Unë do të jem e dashura jote — ajo që ke ëndërruar çdo herë,
Ti do të jesh i dashuri im, ai që e kam përjetësuar si personazh të poezive të mia.
Sa bukur, sa hijeshi ka Roma me ne të dy!
Përballë një qyteti pafund, mes rrugësh, dy të dashuruar në piedestal.
Dashuri, mall, lot, lot gëzimi, dhe një jetë e jetuar nga fillimi.
Unë, ti dhe dashuria e përbërë me ëndrrat e së ardhmes.
Roma, ky qytet i vjetër, me dy të rinj të dashuruar.
Dalinë Arifi
