Bajame Hoxha Çeliku
Libri i poetes Bajame Hoxha Çeliku, tani në libra fizike në Bruksel dhe online (Fnac, Amazon, Edrene Editions)
Me emocione të thella dhe me një ndjenjë të veçantë përmbushjeje ju njoftoj se libri im “Kam mundur diktaturën / J’ai vaincu la dictature” ka dalë zyrtarisht nga botimi në frëngjisht prej shtëpisë botuese Edern Editions dhe tashmë është në dispozicion për të gjithë lexuesit. Ky libër është një pjesë e shpirtit tim, një thirrje e fuqishme që flet për forcën e shpirtit dhe gjallërinë e kujtesës, një dëshmi e përjetimeve të mia gjatë një kohe të errët, ku frika, dhimbja dhe padrejtësia shoqëronin çdo ditë ata që guxonin të mendonin, të ndjenin dhe të ëndërronin.
Çdo faqe e këtij libri rrëfen betejat e heshtura të shpirtit kundër dhunës dhe tiranisë, ruan kujtesën e vuajtjeve, humbjeve dhe rrënimit të brendshëm, por gjithashtu shpirtin, guximin dhe qëndresën që nuk mund të thyhen kurrë. Është një rrëfim i thellë për ata që kanë mbijetuar, një reflektim mbi sakrificat dhe rezistencën e përditshme, dhe një mesazh i fuqishëm për lexuesin se shpresa dhe guximi janë të pathyeshëm. Ky libër është një thirrje për të gjithë: për ata që kanë vuajtur, për ata që ruajnë shpresën në errësirë, dhe për të gjithë ata që nuk harrojnë vlerën e lirisë. Ai flet gjithashtu për vlerën e kujtesës, për respektin ndaj të kaluarës dhe për nderimin e çdo beteje të heshtur që ka formësuar jetët tona.
Jam veçanërisht krenare që pata nderin, mundësinë ta përkthej vetë këtë vepër në frëngjisht, për t’u siguruar që çdo ndjenjë, çdo ritëm, çdo emocion, çdo rrokje dhe çdo flakë e poezisë sime të ruhej besnikërisht. Ky përkthim personal nuk është vetëm një mënyrë për t’iu afruar lexuesve frankofonë, por edhe një përjetim i thellë i fuqisë së fjalës dhe emocioneve që përshkojnë çdo faqe. Lexuesit do të ndjejnë dhimbjen e fshehur, shpresën që mbijeton dhe flakën që nuk shuhet kurrë, dhe do të ndajnë forcën e një shpirti që kurrë nuk u nënshtrua.
Ky libër tashmë është në dispozicion: në libra fizike në Bruksel, dhe në platformat online Fnac, Amazon dhe Ederne Editions. Ai nuk është vetëm një libër; ai është një testament i gjallë i guximit njerëzor, i atyre që nuk u dorëzuan kurrë, një dritë që sfidon harresën dhe frikën, është dëshmi e forcës së njeriut, e atyre që nuk u dorëzuan kurrë, një kujtesë se shpresa, guximi dhe liria i mbijetojnë çdo tiranie.
Faleminderit të gjithëve që më keni shoqëruar në këtë udhëtim, me dashuri, besim në krijimet e mia dhe respekt për çdo përvojë që më ka formësuar si grua, si poete dhe si shkrimtare.
Le të jetë ky libër një dritë për çdo zemër që ka vuajtur, një kujtesë e betejave të heshtura dhe një thirrje për qëndresë, një provë se dashuria, shpresa dhe guximi janë të pathyeshëm përballë çdo dhune dhe frike dhe se zëri i shpirtit nuk shuhet kurrë.
Bruksel
