” Ç’MË KE BËRË “
———————————
*
Kur të pash ah , jo moj jo
Jo moj jo , thash ç’po shoh ,
Ç’të thosha për sytë e tua
Që më dogjën xhanin mua !
*
Ah , i mjeri po ta dija
Ta dija , jo nuk do vija ,
Erdha moj por çedo
Etjen nuk e shuajta jo !
*
Por e dija unë e dija
Tek burimi do të shija ,
Ndaj mendova të të vija
Një pikë ujë nga ty të pija !
*
Aty të gjeta tek rrije
Mbushje ujë dhe më shihje ,
Më shihje dhe pse e dije
Që prisja , ujë të më bije !
*
T’ma bije me atë shtëmë
Të pija prej ujit tëndë,
Ku pinin buzët e tua
T’më shuaje pak etjen mua !
*
Si s’më dhe një pikë s’më dhe
Pse s’më dhe ta di përse ?!
Nuk më dhe , as nuk më erdhe
Kotruven me ujë e derdhe !
*
Ç’më ke bërë, ç’më ke bërë
Piva burimin të tërë ,
E thava , gjer sa shteroi
Por etjen , jo nuk ma shoi !
*
S’ma shoi , më shumë mu shtua
Ma shtuan dy sytë e tua ,
Ah , ata dy sytë e tua
Më ndezën , të tërin mua !
