Nëse je në vështirësi-Shkurte Berisha

NËSE JE NË VËSHTIRËSI

Nëse je në vështirësi
Askujt dorën mos ia shtri
Mundohu t’ia dalësh vetë
Nuk ka ndihmë të vërtetë.

Ka vetëm premtime bosh

Unë kështu e unë ashtu

Meri futi në një kosh

Thuaj: Unë vetë jam këtu.

Jam këtu edhe nuk luaj

Nuk më duhet ndihma juaj

Jam e fortë dhe ia dal

S’ka asgjë që të më ndal.

Nëse do që të ndihmosh

Mos lejo të të kërkojnë

Afrohu shpresë të zgjosh

Që të tjerët të gëzojnë.

Nëse je në vështirësi
Ndihmë kërko tek Zoti
Ai do të japë fuqi
Se AI, është më i forti.